Велигденски филм

Велигден, најголемиот (или втор, никогаш незнам кој е побитен) христијански празник е на 2-3 дена од нас. Тоа е време кога се осврнуваме повеќе накај поблиските, накај семејството. Или како што самиот севишен Г.Г.С. кажа: “Господ Бог ни кажува да се свртиме повеќе кон духовното, намесно материјалното“, влегувајќи во новата мечка. Поради тоа што 99% од филмовите за Исус вѝ се гледани, јас ќе вѝ предложам еден друг филм, кој исто како и претходните, би требало да го погледнете. Во продолжение, во целост бесплатно, од Бил Маер неговиот последен филм Religulous.

Клик на сликата за да го гледате филмот.

Скандалозно! Пронајдена црква во која не се случува ништо!

Ова не е Х!

     Откако беше откриено бар по едно чудо кое се случува во моментот во некоја црква или манастир ширум Македонија, владиците од црквата Х* велат дека во нивната мала црква не се случува ништо чудно. Впрочем тие детално пребарувале во просториите на црквава, но ништо, ама баш ништо (и со големи болдирани букви НИШТО) не се случува. Тие го повикаа Г.Г. С. кој веднаш дојде со Q7 заедно со колегата кој мораше да дојде со X5 пошто X6 беше на перење. Двајцата за 2 до 3 часа пристигнале во црквата, и велат дека не можат да поверуваат на своите очи кога гледаат дека не се случува чудо: “Ова е неверојатно. Зарем е можно ова да се случува.“ проговорија владиците чудејќи се на настанатата ситуација.

     Кога ги прашавме зашто мислат дека оваа црква е исфрлена од чудесијата тие подигајќи ги рамениците ни рекоа повторно дека не им се верува и дека немаат зборови со кои можат да ја опишат тагата и вчудоневиденоста која ја чуствуваат.

       Другите чуда во сите цркви ширум Македонија секојдневно се случуваат, а народот се повеќе полемизира на оваа тема.

*црквата сакаше да остане анонимна, со цел да се заштити од срамот кој би настанал.