Секојдневни глупи муабети

Како си?

После стандарното „Здраво!“ следи неизбежното „Како си?“ Финтата е во тоа што на ликот не му е баш гајле како си, ама од недостиг на муабет, а и поради основна култура ќе те праша. Прашањето е пред се реторичко, но и покрај тоа се очекува одговорот „Добро, еве“, што е најприфатлив, зошто секој друг го продолжува глупиот муабет за кој не е заинтересиран ни он а ни ти.

Толку е просто ова прашање, што некогаш и да умираш попрво би му рекол на некој “Добро, еве“ место да почнеш да објаснуваш што ти се случува. После ова прашање следи...

Туториал: Како до паметно чекирање!

Од кога 4square стана мега-хит кај корисниците на паметни телефони, фејсбук си воведе свој начин на чекирање (чекинување, тагнување, whatever) кој перфектно се вклопи во целата приказна. Немам одреден став дали е ова ОК или не, некад се чекирам, почесто не, а некогаш други ме чекираат (па и без прашање). Па така јас како самопрогласен експерт (како и сите други во Македонија) напишав еден мини-туторијал за чекирање, со неколку DO's (изводливи работи) и DON'Ts (неизводливи работи, глупи работи).

Ситуации во кои луѓето се занесуваат и претеруваат

Убеден сум дека постојат неколку специфични ситуации во кои одредени групи луѓе заборават каде се и што се, и се вдаваат во некој занес, ваљда под влијание на преголема доза адреналин, големи емоции и сл. Еве неколку од нив, кои ужасно ме нервираат (зарем мислеше дека на блогов ќе пишам нешто друго?)

Четврто место на европско во кошарка

Тука започна целото спортско лудило, иако не освоивме ни медал, цел плоштад беше пун со луѓе кои ги чекаа кошаркарите како да освоиле злато на интергалактичко натпреварување. Емоциите не наведоа да мислиме дека ќе одиме (И ЌЕ ОСВОИМЕ!) олимпијада, ама неколку 4то разредни джавички ни покажаа до каде можеме да одиме и многу убаво не спуштија на земја.

Како викавте „можеме и без црнецот“ а?

Така беше и со ракометарите кои после кошаркарите мораа да играат пошто десетици илјади луѓе 2 недели беа константно во Чаир (ама српскиот) во сред работно време, пошто ова беше побитно од работата. Они го освоија одличното 5то место, значи исто без медаљa, а беа пречекани како кошаркарите, во малку помал број, ама на дожд.

дење нема Езел

Во тие моменти бевме појаки од било кога, пуна душа ќе освојува солунско поле, прв пат имавме реални шанси да иаме преставници на олимписките игри и тоа во повеќе многу важни спортови. Но сепак ракометарите ги снајде истата судбина како и кошаркарите, и после и второто спуштање на земја, народот некако ко конечно да почна да се освестува.

Моментално нашите ракометарки играат според очекуваното, на истото место каде мажите беа 5ти во Европа. Овој пат нема публика, зошто, кажете вие.

Луѓе од маало

Ова е текст за сите оние препознатливи личности кои ги има во (скоро) секое маало. Ликови кои ги знаете и среќавате секој ден, и читајќи го текстов ќе ги препознаете.

1. Бабата - радио Милева

Ова е таа баба која често се шуња у маало наваму-натаму, која фрла ѓубре повеќе од потребно, која збира лисја и кога нема. Ова е таа баба која на секој му вика добро утро/ден а ни најмалку не го посакува тоа. Бабата е жена која знае буквално сѐ за секого во твоето маало. Нејзе можеш да ја сретнеш во 5 сабајле и во 3 навечер. Никој незнае кога спие, секогаш е близу прозорот од кој гледа кога си стигнал дома, кој те донел, со што си дошол, дали си пијан, што носиш на тебе, како си облечен, од која врата си влегол, кај си ги соблекол чевлите.... Ова се сѐ небитни информации за тебе, но за неа создаваат 4 часовен муабет утре со „колешката“. Да, токму така, секоја ваква баба има своја колешка која не е толку успешна во испитувањето на стварите кои се случуваат околу неа, но е одличен соговорник.

Објави на македонски портали кои ме вадат од кожа

Во оваа колумна, авторот користи безобразен речник, па затоа ако имаш под 18 години допуши ја цигарата и оди до бемвето купи му на татко ти уште едно пиво.

Крадени објави - Факт е дека 97% од содржината на просечен македонски портал е преведено од некој странски портал, весник, списание, блог или форум. Во последно време често се зема дело на македонски автор на кој му текнало нешто и си го објавил на фејсбук или твитер, или пак (како мене) на својот блог.

Порано скоро никогаш не се даваа заслуги на авторот, се одеше на стандарден копи-пејст а авторот кој го ебе. Сега веќе почна малку од малку да се има култура кај уредниците и голем дел од нив прашуваат дали може да објават нешто, често ставаат линкови, спомнуваат кој е авотор на делото и сѐ по ред, како што треба (со исклучок на Сител, Вечер и компанија).

Зашто ме нервира крадење на нечиво дело на сајт? Размислете вака, седнуваш пред РС целиот среќен и радосен пошто ти текнало нешто „јако“. Го пишуваш, го правиш, диазјнираш, проверуваш, средуваш и конечно го објавуваш, после 2-3 саати работа. Станува супер популарно, лајкови фрчат, “браво“, “топ“ ова-она... Доаѓа некој резервен камерман од шител и стиска ctrl+c па crtl+v и во точно 2 секунди ја создава топ сторијата за денешниот бекстејџ. Фер?

Кога суперхероите би биле Македонци

Iron Man - Железарец

Човек кој веќе 10тина години е технолошки вишок. Некогаш славниот и згоден милионер, сега запуштен и сиромав човек, кој е далеку од суперхеројство. Костумот му е во расипан со години, лета само кога се топи кокаин во фабриката во доцните часови.

Зошто ми стана тапа искачањето во дискотека

Едно време мислев само јас сум, или само на моето друштв му се дешава ова, но гледам сѐ повеќе луѓе се жалат на ноќниот живот во Скопје (за други градови незнам, но сум чул некои митови дека се збори некаде таму далеку на југот имало исто така некој ноќен живот, еднаш месечно). Тролање на страна, еве во стилот на (прејакиот) @MedoDimoski (читај и ова и ова) неколку причини зашто одењето во диско(тека) ми е тапа во последно време.

Како да снимиш хорор филм

Не си гледал добар хорор филм повеќе од 5-6 години? Да, повеќето љубители на хорор филмови го делат ова мислење, со оглед на тоа дека сите хорори во последно време изгледаат како да ги правел ист режисер. Никаква креативност, никаква иновација, истите дијалози, истите сцени, истата група на главни и споредни ликови, ист крај, се е буквално исто.

Колку пати Ви се случило да седнете со дружтво или сами, решени да гледате (добар) хорор филм ама никако да најдете некој навистина добар што не е излезен пред 10-20 години, или не е корејски. Најчесто или филмот е преглуп и уште од самиот старт знаете што ќе се случи понатаму, или не е страшен воопшто.

Најглупиот филм за „промаја“

Па затоа решив да анализирам неколку просечни, типични хорор филмови, во неколку точки, па доколку повеќе од една точка се совпадне со филмот што го гледаш, гаси одма.

8 луѓе што обожаваме да ги мразиме

Несомнено некои групи на луѓе некогаш безразлика на сѐ ги мразиме од дното на душата. Кога последен пат си видел фудбалски судија и си рекол: „е овој не е педер“ - НИКОГАШ! Истото важи и за многу други професии, карактеристики, групи на луѓе кои под дифолт ги мразиме. Еве некои од нив...

1. Сообраќаец - Нема теоретски шанси да не мразиш човек кој дреме на -20 додека паѓа снег, цели 5 саати само за да те казни за нешто. Немаш светло, жмигавци, појац, кацига, ланци, трокут, елече, штоп светло, возачка, сообраќајна, или пушиш цигара, можеби пијан си, збориш на телефон... листата е предолга, казните се многубројни и високи. А ако ништо од ова не си прекршил, тогаш сигурно (СИГУРНО!) си возел пребрзо.

Возевте над ограничувањето на брзината. Радар никад не лаже

Втора ситуација е кога ќе застане на раскрсница и изиграва семафор. Во овој моемент го мразиш пошто ги пушта сите други, само тебе не. И секогаш е така (факинг Марфи!). Во случај да дознаеш на крај дека треба некој делегат да помине па затоа не те пуштал, мржњата достигнува нови нивоа, над нормалното, што е проследено со пцости до владата и членови на одредени фамилии.

Проклета је Америка

Скоро и да нема некој на возраст од 18 до 25 години што не отиде во Америка летово. Наводно на работа со поголем акцент на „журкање“ шетање и упознавање на нови средини, овие млади луѓе преседоа 3-4 месеци преку големата бара (која благодарение на Сенди, сега е малку поголема). За тоа време дел од нив толку многу се американизираа, па состојбата по нивното враќање е малку чудна. Еве некои видови на американизирани Македонци кои ми одат на живци:

1. Животот трае од јуни до септември - Голем дел од овие луѓе после првото идење во Америка почнуваат да живеат само за догодина пак да отидат. Кога ќе се вратат во семптември тука влагаат во хибернација и се будат во јуни. На прашањето што работиш/учиш? ти кажува што работел во америка летово, а моментално „студира“ и е прва (4та година по ред), па така во моментов уствари си го држи. 

Што е бе бате, во Македонија нема ли МекДоналдс?

Топ 10 тапа твитерџии #соГлупХаштаг

Фејсбук фејловите беа први на пердашење, а сега преминуваме на една покреативна, подобра и позабавна социјална мрежа каде (за жал) има исто толку глупости како на фејсбук.

10. Гуштери - Нови твитерџии кои слушнале дека на твитер е журката, но никако да го најдат правиот начин да се приклучат во неа. Првите неколку твита се од прилика вака:

- Ај да видам и ова што е...

- Еве и јас твитам...

- ЗАШТО НИКОЈ НЕ МЕ СЛЕДИИИИ??

- Колку е тапа твитеров, бек ту фејсбук!

Како да препознаете дека вашето дете слуша турбо-фолк?

Благодарение на оф-нет дојдов до оваа колумна што е на рамниште на докторска дисретација и докторот отец треба да добие нобелова награда за откритие на векот, која ми го отвори погледот на светот. Ја прочитав минимум 3-4 пати и моментално сум 100% убеден дека сите мои пријатели, роднини, и секоја личност што некогаш во животот сум ја запознал, се наркомани. 

твојата фаца кога сфати дека и ти си наркоман а си немал поима до пред 15 мин!

Па така докторот отец ме инспирираше да напишам и јас на моево скромно, непрофитабилно (за разлика од МПЦ) блог4е еден текст апропо турбо фолкот, кој се базира на едно истражување кое го споведов пред 10 мин. гледајќи телевизија (значи на ист начин како и отецов за неговата колумна). Турбо фолкот е минимум 10 пати поопасен од било која дрога, пошто од него нема спас, неможеш да речеш „Не, благодарам!“ и да се спасиш. Тој те гони веќе 2-3 децении каде и да одиш, присутен е во секоја кафана, дискотека, кафиќ, свадба, крштевка, слава, именден па и на погреб (WTF?) Одиме со ред.

Петиција против петицијата за укинување на зонското паркирање!

Во држвава како по обичај на секој протест има по минимум 2 контра протести, и на крај не се знае ни кој пие ни кој плаќа, но битно нешто да се дешава. Се дигна прашина околу онлајн петиција (уште тука пола муабет оди во вода, со оглед на тоа што онлајн и петиција се два збора кои кога ќе ги споиш создаваат смешен поим кој никој не го сваќа сериозно, ама нејсе) за укинување на зонското паркирање во Скопје. 

Зона ФМ 104,4

Иако скоро никогаш не се сложувам со постапките на било која влада (или градски совет и сл.), но ова е една од најдобрите работи што му се имаат случено на Скопје, којзнае од кога. Конечно има паркинг место секаде каде ти е потребно, лесно се наоѓа, има ред во сообраќајот, сѐ работи по европски (и светски) стандарди, лесно е за користење и релативно ефтино. А зошто некој има нешто против ова, ќе видиме во следниот текст, изваден директно од петицијата:

5 глупи работи во трето полувреме

Напоменувам дека во текстот има спојлери кои би ви го нарушиле задоволството ако сеуште не сте го гледале филмот, продолжете со читање на своја одговорност.

1. Катерина е манекенка, но не и глумица

Иако ова ѝ е прва улога, тоа не треба да биде оправдување за очајно лошиот перформанс во филмот. Не само што го уништува главниот лик (Ребека), туку нејзината лоша глума придонесува целиот филм да изгледа лошо на моменти. Во ваков прилично емотивен филм, нејзината неможност за глумење во дадена ситуација, во која се наоѓа нејзиниот лик, прави неколку сцени да изгледаат тотално бледо. Она изгледа ладна, нема никаква хемија помеѓу неа и Сашко (Коста), и сѐ е некако... онака. Да не се соблечеше гола во една сцена во филмот, никој немаше ни да се сеќава дека она глумела во истиот.

МЕМЕ: Панчев, Калински и Видевски - коментатори на векот

#влијателен твитерџија

Ова епско битие познато како “влијателен твитерџија“ постои на твитер веќе подолго време, но во последно време зема голем замав, со новиот бран на тазе твитерџии. Постојат многу легенди за влијателниот, некои зборат дека е ваков, некои дека е онаков, но да видиме всушност што тој прави...

П.С. Како единствен услов и општо познато правило на твитер е секој кој има над 1000 да е влијателен, што е прилично смешно, со оглед на бројот на ботови, те следам - следи ме глупости и сл. Влијателен е секој оној што влијае т.е. има утицај во секојдневното твитање, оној кој го тера муабетот на некоја страна, оној кој може да покрене некоја расправа, оној кој заедницата го почитува, цени и т.н. Неможе да постои точна граница на бројот на следачи и воопшто бројот на следачи неможе да биде показател на влијателноста на еден твитерџија.

МТВ прави чуда со наши пари! Талкачите и Мастерот во Црниче во потрага по страв

Шетајќи по интеренет мрежата, налетав на една статија на primetime.mk за куќата на духови, која е прилично позната во Скопје, особено во Црниче, каде што се наоѓа, и околните населби. Приказната некому позната, некому не, кој сака може слободно да прочита на сајтот, но најинтерсниот дел се двете видеа од по 20тина минути од емисија која се емитувала на МТВ. Емисијата се вика „Талкачи“ и е нешто во стилот на Unsolved mysteries, само што овде не се решаваат мистериите и има два водители кои се полоши дури и од коментаторите на Канал 5. Емисијата се бави со натприродни работи, а поради недостигот на такви во светот, а камо ли во Македонија, тие и маестралната монтажа и техника на снимање допринесуваат за драматизирање на целата приказна. Поради тоа што “куќата на стравот“ ми е единствена гледата епизода, ќе ја дискутирам таа, а вие можете да ја погледете таа и сите други тука.

Боже прости му, не знае што збори... А, знаел ли до сега?

Тодор Петров, Курир: Ја обвинуваат Црквата дека со Божји чуда го враќа општеството како пред илјада лета. А, забораваат дека само добри верници се лојални државјани, другите сатанисти и анархисти. Се разбира, ниту дваесет и првиот е десеттиот век, но ниту после десет века не е неможно да биде тоа што денес е, како порано што било. Како и да е, кучињата си лајат, караванот си врви, а Божјите чуда како и порано, така и сега и пак ќе ги има...

Што се подразбира под добар верник? Според некоја логика ако добар верник е оној кој се придржува кон библијата, тогаш во државава добрите верници се 2% од населението. Нејсе, да речеме дека повеќето верници се добри верници, како тоа има врска со тоа да се биде лојален граѓанин? Дали господине знаете што значи зборот лојалност а што граѓанин на една држава? Како може некој да поврзува лојалност (или посветеност) кон верата со лојалност кон државата? И пред сѐ, како може во секуларна држава, лојален граѓанин да биде само добар верник?

Според целиот нормален свет, под лојален граѓанин се подразбира човек кој плаќа даноци на државата, кој ги почитува Уставот и законите. Зарем човек кој плаќа даноци не е лојален граѓанин на оваа држава ако не е и верник? Зарем не сте свесни дека и од тие негови пари всушност се градат цркви, манастири, Миленимски крст? Тој лојален граѓанин секојдневно плаќа данок на оваа држава, работи и живее во неа. За разлика од него МПЦ не плаќа данок на државата, па според тоа за лојалноста кон државата неможе ни да се дискутира.

П.С. Ве молам друг пат не ги употребувајте поимите „анархисти, атеисти, сатанисти“ и сл. поими, барем додека не прочитате што точно значат.

Како напредуваа Македонските рап текстови

'90 - Чиста Околина - Нешто блиску до реума

...се качувам ја горе за да гледам луѓеа слушам само ѕвонци, гледам доле сега беда, и незнам дал се луѓе или овци, и збори сега почесто на глас, секој кој ќе стигне да те чуе, или биди мирен како овца, често кој ќе стигне да те дуе, и сите овци сакат стално в трло мир да биде, полни да се мора стомаците на сите, тревопасни луѓе, се шират како чума, не е чума велат, но не е ни реума...

САФ - Скопска ситуација '98

Скопска ситуација бурлески, до вчера комунисти сега слават празник верски. Ќе речеш не сери, ама провери (провери!), сѐ се смени од времето на титовите пионери. Екс социјалисти, капиталци на мисија, со ѓаволот во коалиција, зборам вистина, луѓе газат преку живи луѓе до позиција....

2000 - Клан Исток - Пријател

Ти земи ми сѐ еве ти срце и душа, на музиката почнав да отварам душа, ти ме прашуваш како а се знаеме од мали, добро ќе ти речам, а знаеш што ми фали. И првите бељи со кого ги правев и првите идоли со кого ги славев, ама живото е коцка, остана до коска, човек број 1 во душата моја...

2008 - Green Out - Фрекфренции

...Зашто не е лесно да си таму доле, едно е да бидеш среќен, друго е да бидеш задоволен. Солзи море, се само солзи море, продолжи, додека имаш срце има некој што ќе ти го скрши. Запамти,  не си сам на асфалтот пред зграда, секад има битки меѓу блокот и полиција....

Данок за опасни крволочки домашни животни

[Кирилица] Владата подготвува закон со кој се планираат дополнителни давачки за сите газди на крволочни кучиња, на змии, на опасни влекачи и други егзотични животни. Проценките на државата се дека овие животни се опасни за безбедноста на луѓето.

Целта на овој закон е потенцијалниот сопственик да стане свесен дека ќе чува животно што може може да биде опасно за него и за околината.

     Ова е веста која беше топ вест насекаде вчера па и денес, за која многу се говореше, а сепак ништо не се кажа. Премногу (читај: сите) елементи на ова се нејасни, но сепак јас би почнал од почеток, а најмногу ќе се осврнам на според мене најбитниот дел, за опасноста на животните.